Në muajin nëntor 2018 në Paris u shënua 100 vjetori i përfundimit të Luftës së Parë Botërore,dërkaq në muajin dhjetor të vitit 2018 në Vashington u mbajt Funerali i ish presidentit të SHBA-ve Xhorxh Herbert Uaker Bush. Në evenimentin në Paris mediat e paraqitën Hashim Thaçin të ulur pranë Vladimit Putinit, presidentit të Rusisë, ndërsa në evenimentin në Vashington mediat Hashim Thaçin e paraqitën të uklur dhe duke biseduar me Angela Merkel, kancelaren e Gjermanisë. Këto pamje e rritën në maksimum xhelozinë e Aleksandër Vuçiqit, presidentit të Serbisë pse Hashim Thaçit në të dy këto raste i ishte rezervuar vend më i mirë për tu ulur te liderët e mëdhenj. Lidhur me këtë Aleksandër Vuçiq reagoi edhe përmes mediave se gjoja Hashim Thaçi është duke paguar para të majme npërmjet emigrantëve shqiptarë nga Vashingtoni dhe shtetet evropiane që të ulet afër liderëve të rëndësishëm, dhe gjithnjë sipas Vuçiqit ndoshta dikush fuqishëm po e ndihmon Hashim Thaçin duke përfaqësuar interesat e Prishtinës.
Kato reagime të Vuçiqit janë qesharake aqë më tepër kur dihet se në secilin shtet ekzistojnë shërbimet e protokolit që meren ekskluzivisht me përgatitjen e nisjes së delegacioneve nga shteti i nisjes dhe përgatitjen e pritjes së delegacionit në shtetin nikoqir. Secili shtet në vete i bën këto përgatitje dhe nuk ka forcë që mund të ndërhyjë në punët protokolare në asnjë mënyrë e lene më nëpërmjet pagesës së parave të majme siç po aludon presidenti i Serbisë. Secili shtet nëpërmjet protokollit e pasqyron edhe prestigjin e vet. E vërteta qëndron në fakin se Aleksandër Vuçiqi është president i Serbisë agresore, gjakatare e okupuese, ndërsa Hashin Thaçi është president i Kosovës viktimë dhe çlirimtare.
Serbia dhe lidershipi i saj kanë probleme me vetveten, se nuk mund të shkëputen asesi nga e kaluara e tyre e zymtë, nga qëndrimet e tyre të pranishme edhe sot e kësaj dite me prepotencë, kolonializëm, hegjemonizën dhe ekspansionizëm dhe me paraqitjen para botës me gënjeshtra dhe lot krokodili. Serbia dhe lidershipi i saj nuk dëshirojnë ta shohin veten në pasqyrë se sa zullumqarë kanë qenë dhe si të tillë ende dëshirojnë të mbeten. Serbia gjatë historisë së saj i ka duart e përlyera me gjak duke sulmuar, djegur e vrarë popujt fqinj, gjithnjë për ti okupuar dhe për ti zgjeruar kufijtë e saj. Të gjithë e dijnë se serbët prejardhjen e kanë nga Kaukazi dhe se në Ballkan kanë arritur në shekullin e 6 –të. Të dhënat historike tregojnë se shqiptarët pasardhës të ilirëve kanë jetuar gjer në Qupërli (Qiupri) përtej Nishit dhe se janë dëbuar me lutëra nga trojet shqiptare. Kralët serbë dhe Carët rusë gjithnjë kanë ëndëruar ta gllabërojnë edhe bregdetin e shqiptar për çka ekzistojnë një mori të dhënash historike. Këtë ekspansionizëm serbët e kanë arritur edhe me ndihmën e shteteve të mëdha evropiane në Kongresin e Berlinit 1878, Konferencën e Ambasadorëve në Londër 1913 dhe Konferencën e Paqes në Paris 1920. Si rezultat i këtyre padrejtësive të shteteve të mëdha më shumë se gjysma e territorit dhe e popullit shqiptar ka mbetur jashtë kufijve të shtetit amë Shqipërisë.
Serbia nuk shkëputet nga synimet e saj hegjemoniste
Serbia është ajo që edhe në shekullin e 20-të nxiti dhe shkaktoi luftërat enspansioniste të përgjakshme në Kroaci, Bosnje e Hercegovinë dhe në Kosovë, duke i bërë shkrumb e hi këto vende, duke shkaktuar dhjetëra mijëra të vdekur, midis tyre gra, pleq e fëmijë dhe dhjetëra mijëra femra të dhunuara në mënyrën më barbare e makabëre që nuk e ka bërë as nazizmi gjerman dhe as fashizmi italian. Lidhur me këto tre luftëra më të reja shkatërrimtare e gjenocidale Serbia nuk e ka pa të arsyeshme të paktën të kërkojë falje publike ndaj Kroacisë, Bosnjë e Hercegovinës dhe Kosovës për krimet e bëra. Retorika e sotme serbe i quan fajtorë të tjerët dhe aspak vetveten dhe për këtë ka aktivizuar një propagandë të fuqishme diplomatike dhe mediatike e cila po demaskohet dita ditës.
Shantazhimi aktual i Serbisë ndaj Kosovës. Vrasjet, djegiet, shkatërrimet , tmerret dhe dhunimet e femrave shqiptare që i bëri makineria ushtarake dhe paramilitare serbe në vitin 1999 në Kosovë janë trishtuese. Serbët në Kosovë kanë vrarë 15 mijë shqiptarë mes tyre gra, pleq e fëmijë dhe kanë dhunuar 18 mijë femra shqiptare, gjithnjë me të vetmin qëllim që Serbia ta okupojë përjetësisht Kosovën. Ushtria çlirimtare e Kosovës dhe shqiptarët e Kosovës me ndihmën e NATOS më në fund e çliruan Kosovën nga okupimi serb dhe pas kësaj u shpall edhe Pavarësia e Shtetit të Kosovës. E gjithë kjo nuk i mjaftoi Serbisë dhe tani nëpërmjet një 5 përqindëshi të serbëve që jetojnë në Kosovë po kërkon dhe përpiqet ta shtrijë hegjemoninë e saj në tërë Kosovën, duke e instrumentalizuar këtë pakicë serbe e cila në Kosovë i gëzon të drejtat më shumë se çdo pakicë tjetër në botë, me të vetmin qëllim që ta aneksojë veriun e Kosovës. Këtë gje Serbia mundohet ta arrijë duke e manipuluar Brukselin, duke rritur kontrabandën në veri të Kosovës, duke imponuar qarkullimin e automjeteve të serbëve që jetojnë në Kosovë me targa serbe, duke bërë luftë tregtare të padrejtë e nënçmuese ndaj Kosovës dhe duke mos përfillur asnjë marrëveshje të arritur në Bruksel, e sidomos me nëpërkënbëzat që po ia bën Kosovës për të mos u pranuar anëtare në shumë asociacione të rëndësishme botërore, siç ishte rasti i fundit me mospranimin e Kosovës si anëtare të INTERPOLIT.
Serbia tërë propagandën e saj e ka të bazuar në gënjeshtra. Nuk është e vërtetë që Serbia ka 10 milionë serbë. Ajo gjithnjë e ka fry numrin e banorëve. Kjo do të del në shesh nëse bëhet një regjistrim i ri. Serbisë po ti hiqen hungarezët, boshnjakët, romët e shqiptarët e Luginës së Preshevës nuk i mbesin të ketë as 5 milionë banorë. Kjo konstatohet edhe me panikun që e kishte kapluar Serbinë në vitet e 80-ta të shekullit të 20-të kur në mbledhjet e Kuvendit të saj kërkonte me ngulm që familjeve shqiptare në Koosovë që kishin shumë fëmijë tu ndërpritej shtesa për fëmijë, ose kur u miratua ligji i Serbisë që për fëmijën e tretë të paguhej shtesë e majme fëmijërore me çka Serbia mendonte se do ta shtojë natalitetin e serbëve. Në këto mbledhje të tensionuara asokohe në Kuvendin e Serbisë shumica dërmuese e deputetëve shqiptarë me përjashtin të deputetëve Gani Ajeti dhe Sejdo Bajramoviq, diskutonin në mënyrë kostruktive e dinjitoze, përkundër kërcnimeve që ua bënte Momçillo Trajkoviq, deputeti serb nga Kosova. Dëshmi tjetër për uljen e natalitetit në Serbi është edhe fakti se 15 viteve të fundit është duke u bërë një fushatë intensive nëpërmjet avokatëve në Shqipëri duke paguar edhe shumë para që serbët të martohen me femra nga Shqipëria, vetëm e vetëm që këto serbë të martuar me femra nga Shqipëria të kenë sa më tepër fëmijë.
Serbët kanë probleme me identitetin dhe gjuhën e tyre
Libri Ismail Kadare- Ukshin Hoti me titull “Bisedë përmes hekurash” i botuar në vitin 2000 nga Shtëpia botuese “Onufri”- Tiranë, është rezultat i pyetjeve që Ismail Kadare arrijti tia dërgojë Ukshin Hotit në burgun e Nishit dhe që Ukshin Hoti ia kthen përgjigjet e kërkuara. Ky libër paraqet gjenialitet të paparë gjer më sot ku të dy këta kolosë shqiptarë në kushtet e një ankthi të një rrezikshmërie dëshmojnë se janë të paarritshëm. Ukshin Hoti në këtë libër dëshmon me fakte se serbët në vazhdimësi kanë patur për qëllim dëbimin apo asimilimin e shqiptarëve. Ukshin Hoti tregon se një serb doktor i historisë kishte shkruar në një fejton se Aleksandri i Madh kishte qenë hiç më pak se një serb i kulluar, ndërsa një tjetër historian serb kishte argumentuar se gjuha shqipe është e ngjashme me irlandishten , andaj ne do të duhej të kishim ardhur nga andej, por pas serbëve. Për një intelektual tjetër serb Bizanti kishte qenë tërësisht serb dhe vetëm pas rënies së tij Romakët kishin guxuar të vinin ketej pari.Serbët kishin qenë këtu qysh para shekullit të parë të e.s., ndërsa ne shqiptarët nese e mohonim prejardhjen tonë irlandeze, patjetër që vinim nga Kaukazi, sepse andej ende paska popuj , prejardhja e të cilëve na qenka mjaft e errët ! Këto gjepura më bindën, thotë Ukshin Hoti, se serbët dëshironin të vesheshin me historinë e shqiptarëve, dëshironin ta merrnin identitetin e shqiptarëve, por gjithnjë duke folur serbisht. Ukshin Hoti në këtë libër tregon se ish bashkëshortja e tij Edi-arkeologe i kishte folur për veprën e një arkeologu serb në Kosovë të quajtur Çeshkov, i cili kishte bërë hulumtime për dardanët dhe kishte shkruar një libër të vlefshëm për këtë temë duke argumentuar me fakte për prejardhjen ilire të shqiptarëve. Kolegët e tij serbë nuk dëshironin të flisnin për këtë arkeolog. Pata rastin, thotë Ukshin Hoti, të njoftoj edhe dy arkeologë të mëdhenj serbë Garashanin dhe Srejoviq nga Beogradi. Këta dy arkeologë insistimit tim mbi prejardhjen ilire të shqiptarëve, vazhdon Ukshin Hoti, i përgjigjeshin me argumente të përgjithshme e të mjegulluara. Kështu vepronin edhe arkeologët e tjerë serbë që pata mundësi ti njoh. Lidhur me hulumtimet arkeologjike asokohe shtypi dhe TV informonin se në akëcilin vend në Serbi u zbulua kjo ose ajo, edhe pse bëhej fjalë për lokalitetet në Kosovë edhe pse këto hulumtime nuk kishin fare lidhje me serbët. Kështu serbët përpiqeshin të futeshin në identitetin ilir, por duke i dëbuar shqiptarët prej andej. Kjo më shtynte, thotë Ukshin Hoti, të mendoj se serbët kishin problem me identitetin dhe historinë e tyre dhe atë botërore prej të cilës kisha mësuar për prejardhjen e fiseve sllave.Serbët dëshironin ta kenë prejardhjen e tyre ilire por duke mbetur serbë dhe duke folur gjuhën serbe. Nga kjo pëfundova se serbët kishin problem edhe me gjuhën e tyre që i takonte grupit të gjuhëve sllave, thotë Ukshin Hoti në këtë libër.
Nuk ekziston asnjë dokument apo dëshmi historike se shqiptarët kanë okupuar edhe një pëllëmbë tokë të huaj, që kanë sulmuar ndonjë popull për ta okupuar apo ndonjë tentim për ta përvetësuar identitetin ose gjuhën e ndonjë populli tjetër. Ajo që e dallon kombin shqiptar nga fqinjët e tij janë faktet se shqiptarët gjithmonë janë vënë në mbrojtje të fqinjëve, dhe kanë qenë fqinjët ata që i kanë sulmuar dhe okupuar trojet shqiptare. Sot shqiptarët edhe pse jetojnë në pesë shtete falë vitalitetit të tyre e kanë ruajtur identitetin dhe gjuhën e tyre. Shqiptarët dallohen prej popujve tjerë edhe për harmoninë shembullore të tri besimeve fetare, për shpirtin paqedashës dhe për numrin e popullsisë që është gjithnjë në rritje dhe që në pesë shtetet ku jetojnë në Ballkan arrin afër 7 milionë. Evropa dhe Perëndimi janë duke e kuptuar mirë hipokrizinë serbe dhe se tërë shqiptarët janë me zemër me SHBA-të, BE dhe me NATO-n. Kosova më 14 dhjetor 2018 e themeloi edhe ushtrinë e saj që ka për qëllim mbrojtjen e sovranitetit, integritetit,të pasurisë, të banorëve,ruajtjen e paqes në rajon dhe bashkërendimin e veprimeve me NATO-n. Këtë duhet ta dijë mirë Serbia se nëse e sulmon sërish Kosovën do të del humbëse e madhe në të gjitha frontet.
Shqiptarët tani kanë dy shtete Shqipërinë dhe Kosovën, kanë miq të fuqishëm që e shohin realitetin dhe që janë garanci se askush nuk guxon ti prek apo tu kanoset shqiptarëve që e kanë në shpirt paqen. Këto janë argumente të fuqishme që dëshmojnë se shqiptarët ua kalojnë serbëve në numër e moral të pastër.