Një qytetar i Pejës ia pa sherrin postimit të një fotografie në rrjetin social facebook.
Në fshatin Ramun të Pejës është arrestuar një person pasi që i njëjti kishte postuar në rrjetin social “Facebook” duke shtënë me armë zjarri.
Lajmin e ka konfirmuar Policia e Kosovës në raportin ditore për 24 orët e fundit.
“Njësiti policor në oborrin e shtëpisë së dyshuarit ka gjetur dy gëzhoja të armës AK 47 ndërsa arma nuk është gjetur. Me vendim të prokurorit i dyshuari dërgohet në mbajtje”, thuhet në raportin e policisë.
Rasti është duke u hetuar për armëmbajtje pa leje.