Muhaxheri: Brenga më e madhe e Pejës, hidrocentrali në Lumbardh - Bota Sot
Muhaxheri: Brenga më e madhe e Pejës, hidrocentrali në Lumbardh

Peja

Muhaxheri: Brenga më e madhe e Pejës, hidrocentrali në Lumbardh

Më: 11 prill 2019 Në ora: 20:59
Kryetari i Pejës, Gazmend Muhaxheri

Kryetari i Pejës, Gazmend Muhaxheri tha se brenga kryesore e banorëve të kësaj komune është tendenca e ndërtimit të një hidrocentrali në Lumbardh.

“Ata që e kanë varrosë Lumbardhin e Deçanit dhe kanë përfitime të mëdha prej kësaj varrosjeje nuk kanë me heq dorë lehtë prej Lumbardhit të Pejës, kanë me bë përpjekje që në momentin e parë të përshtatshëm me u mundu me e realizu interesat e tyre vetanake”, tha Muhaxheri.

Ai shtoi se janë duke u përballur me kompaninë që është duke tentuar të ndërtojë këtë hidrocentral.

“Ne po përballemi me kompani që nuk e respektojnë ligjin, që kanë kry punë jashtëzakonisht të këqija në Lumbardhin e Deçanit. Ne jemi të vendosur që të mos e lejojmë, asambleja komunale ka nxjerrë vendim për anulimin e të gjitha procedurat”, tha kryetari i Pejës në DebatPërnime, ku është duke u diskutuar për mbrojtjen e mjedisit të organizuar në qytetin e Pejës.

Rreth rrugës, e cila po ndërtohet kundërligjshëm me ligjin për parqet kombëtare, Muhaxheri shtoi se komuna është duke provuar ta ndalojë tendencën e shpërnguljes së banorëve nga zonat e thella të Rugovës.

“Ajo rrugë, e cila po ndërtohet në park kombëtar është për zhvillimin e vendit, ne duhet ta ruajmë natyrën por natyra pa njerëz nuk ka vlerë, ka tendencë të madhe të shpërnguljes dhe ne jemi duke u munduar që me disa projekte të krijojmë kushte për zhvillim të qëndrueshëm jemi duke zhvilluar projekte të krijojmë kushte për zhvillim të qëndrueshëm duke kriiju rrugë”, tha Muhaxheri.

Kreu i Pejës po ashtu u zotua se mbrotja e ambientit tashmë është prioritet për të.

“Me planin zhvillimor që jemi duke e bërë tash është prioritet mbrojta e ambientit, është ndërtimi i impiantit për pastrimin e ujërave të zeza në disa fshate. Ka me pasë investime të mëdha në mbrojtje të ambientit”, tha Muhaxheri.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...