“Ja vlen të jetosh”, kjo fjali merr më shumë kuptim kur e sheh çmimoren e shërbimeve mortore në Komunën e Pejës. Çmimorja që po cilësohet si më e larta në nivel të Kosovës u miratua nga pozita por u kundërshtua fuqishëm nga grupi i Aleancës për shkak se sipas tyre kjo vetëm sa i rëndon edhe më shumë financiarisht qytetarët.
Për ceremoninë e varrimit dhe mirëmbajtjen e tyre qytetarët e komunës së Pejës do të paguajnë shifra të larta, goxha më të larta se në komunat tjera ku varrimi kushton përafërsisht 200 euro, në Pejë kjo shifër e ka kapërcen shumë prej 250 euro.
Përmes çmimores më poshtë shihni se sa i kushton një qytetarit vdekja në këtë komunë.