117 pacientë të infektuar me COVID-19 po trajtohen në Spitalin e Pejës. Nga spitali kanë njoftuar se 97 pacientë janë duke u trajtuar me oksigjenoterapi, ndërsa nga ta 15 pacientë janë në gjendje më të rëndë shëndetësore.
E gjatë 24 orëve të fundit në Spitalin e Pejës tre pacientë janë shëruar nga COVID-19.
“Aktualisht po trajtohen 117 pacientë me Covid-19. Sa i përket gjendjes së pacientëve: 97 pacientë janë në Oksigjeno terapi ndërsa nga këta 15 pacientë janë në gjendje më të rëndë. 3 pacientë janë shëruar nga Covid-19 gjatë 24 orëve të fundit”
Gjatë 24 orëve të fundit në Spitalin e Përgjithshëm në Pejë, 225 pacientë kanë marrë trajtim emergjent shëndetësorë, dhe nga këta, 24 pacientë janë shtrirë për trajtim të mëtutjeshëm.
