Sot në Gjakovë një familje i ka falur gjakun familjes tjetër, pas humbjes së dy të rinjve në një aksident rrugor.
Familja Gjoni nga Doblibare e Gjakovës i ka falur gjakun e dy djemve të tyre familjes Hyseni nga Peja, në prezencën e shumë qytetarëve e prijësve fetarë.
Falja e gjakut është bërë ne prezencën e Don Albert Jakaja, Famullitar i Doblibarës dhe kryetarit të Bashkësisë Islame, Ahmet Hoxha.
Familjet i shtrin dorën e pajtimit, duke treguar se janë një gjak e kanë një komb dhe se në ditët e vështira janë bashkë.
Për këtë ngjarje, në rrjetin social Facebook, ka shkruar deputeti Pal Lekaj, sipas të cilit, në këto ditë kur po na cenohet shteti nga, siç i ka quajtur ai, armiqtë e Kosovës, vendit i duhet bashkimi i të gjithëve për një qëllim.
