Koordinatori i PDK-së në Pejë, Arton Muhaxheri ka thyer heshtjen zgjedhore, vepër që është e dënueshme sipas Ligjit për Zgjedhje në Republikën e Kosovës.
Muhaxheri ka shpërndarë në profilin e tij në Facebook një fotografi, ku shpjegohet në detaje se si të votohet kryetari i PDK-së në Pejë Xhavit Haliti, i cili është kandidat për deputet.
Përndryshe, përgjithësisht në rrjetet sociale kandidatët e zyrtarët e paritve të ndryshme, janë treguar të përmbajtuar, duke mos bërë fushatë.
Ndërsa, nesër pritet të mbahen zgjedhjet e përgjithshme në Kosovë me hapjen e vendvotimeve në tërë vendin nga ora 07:00 e mëngjesit.
