Prokuroria e Pejës ngrit aktakuzë ndaj dy personave për prostitucion - Bota Sot
Prokuroria e Pejës ngrit aktakuzë ndaj dy personave për prostitucion

Peja

Prokuroria e Pejës ngrit aktakuzë ndaj dy personave për prostitucion

Më: 2 nëntor 2018 Në ora: 15:51
Ilustrim

Prokuroria Themelore e Pejës, Departamenti për të mitur, ka ngritur aktakuzë kundër dy personave për veprën penale “Mundësimi ose detyrimi për prostitucion”, nga neni 241 paragrafi 4 lidhur me paragrafin 2 dhe 1 dhe nenin 31 të Kodit Penal të Republikës së Kosovës.

Sipas aktakuzës, deri me datën 22 shkurt 2018, e pandehura A.G dhe i pandehuri A.G, si bashkëkryerës kishin ofruar dy lokalet e tyre të masazheve, njërin në Pejë dhe tjetrin në fshatin Vitomericë, duke rekrutuar dhe organizuar persona të tjerë për qëllime të prostitucionit ,ndër ta edhe një të mitur për të kryer shërbime seksuale, thuhet në njoftim.

Me këto veprime ekziston dyshimi i bazuar mirë se dy të pandehurit kanë përmbushur elementet e veprës penale të përshkruar si me lartë.

Prokurori i çështjes me rastin e ngritjes se aktakuzës, i ka propozuar Gjykatës që të pandehurit të shpallen fajtor dhe të dënohen sipas ligjit për veprën penale e cila ju vihet në barrë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...