Shkojnë ta plaçkitin hallën që kishte shitur lopët, tre të arrestuar në Pejë - Bota Sot
Shkojnë ta plaçkitin hallën që kishte shitur lopët, tre të arrestuar në Pejë

Peja

Shkojnë ta plaçkitin hallën që kishte shitur lopët, tre të arrestuar në Pejë

Më: 29 nëntor 2018 Në ora: 15:44
Ilustrim

Prokuroria Themelore e Pejës, Departamenti për Krime të Rënda, ka ngritur aktakuzë kundër Xh.B., A.B., E.Z., pasi më datën 10 nëntor, rreth orës 10:00 të mëngjesit në Vitomiricë të Pejës, kryen vjedhje të armatosur.

Xh.B. dhe A.B. ishin njoftuar nga i pandehuri E.Z. , se halla e tij R.A. kishte shitur lopët dhe djemtë e saj i kanë dërguar të holla nga diaspora dhe tek e njëjta mund t’i gjejnë shumën prej 4500 euro, ashtu që i pandehuri E.Z. i dërgon në shtëpinë e të dëmtuarës dy të pandehurit, derisa vetë largohet nga vendi i ngjarjes. Xh.B. dhe A.B. me maska dhe armë hynë në shtëpinë e të dëmtuarës, të cilës i pandehuri Xh.B.  ia mbyll gojën me dorë dhe ia kërkon paratë.

R.Z. ik nga dritarja duke kërkuar ndihmë, e cila dëgjohet nga një kushëri i saj, i cili e raporton policinë, ku Xh.B. dhe A.B. arrestohen nga policia 200-300 metra larg vendit të ngjarjes.

Prokurori i çështjes me rastin e ngritjes se aktakuzës, i ka propozuar gjykatës që të pandehurit të shpallen fajtor dhe të dënohen sipas ligjit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...