Sot, po bëhet një vit e dashur Nënë!
Vërtetë jeta qenke plot plagë, nga dita në ditë e kuptojmë se koha nuk i shëron plagët, veçse na mëson të jetojmë me to. Kaloi një vit i pamëshirshëm e lotët e malli për Ty Nënë janë ende të freskëta si ditën kur u ndamë.
S'ka fjalë as lot as vaj që e shuan mallin për Ty Mbretëresha ime.
Ti ishe një grua e fortë,një Nënë dhe një Baba për një kohë të gjatë për ne.
Na rrite dhe edukove me shumë mund e shumë sakrifica.
Nënë Ti ishe një engjëll që mbillje vetëm dashuri në zemrat tona.
Të jetosh në zemrat e atyre që le pas , do të thotë të mos vdesësh kurrë.
Jemi krenarë që të patëm të tillë , na mbajnë gjallë fjalët e tua të mençura, të cilat do të jenë gjithmonë udhërrëfim për ne .
Shumë po na mungon e shtrenjta ime , mungesa jote është e pazëvendësueshme.
Me mall e lot në sy të kujton: Vajza Sanija me familje.
