Presidenti RUGOVA pas 13 vjet ndërrim jete vetëm sa po kalitet në kujtesat tona si njeri i veçantë, i urtë, por jo i butë, njeri që njohu popullin e vet dhe artikuloi mrekullueshëm dhe koherentshëm me kërkesat politike për Kosovën që aq shumë e deshi dhe me fanatizëm politik krijoi opinionet publike ndërkombëtare në favor të saj.
Në 13 vjetorin e vdekjes, Presidenti historik dhe arkitekti i pavarësisë së Kosovës dr. Ibrahim Rugova, është përkujtuar me fjalët më të mira nga bashkëpunëtorët e tij më të afërt.
Një personalitet i rrallë, i cilësuar si “Gandhi i Ballkanit”, nuk ka se si të mos i mungojë jetës politike e shoqërore në vend. Ai, si një dhe i vetmi, vlerësohet si një personalitet i rrallë, nga i cili breza të tërë do të frymëzohen për paqen dhe atdhedashurinë.
Stuhitë që po i kanosen Kosovës, si pasojë e politikanëve të etur për pushtet, sjellin gjithherë momente reflektimi. A thua si do të vepronte Presidenti Rugova përballë këtyre rreziqeve? Dhe pyetja tjetër është se: Po të ishte Rugova gjallë, a do të vinte puna deri tek kjo përballje me të keqen?
Merovci: Rugova ishte i urtë, por jo i butë
I pyetur nga “Bota sot” se si e kujton presidentin Rugova në këtë 13 vjetor të vdekjes së tij, Adnan Merovci, njeriu më i afërt i tij është shprehur se e kaplojnë dy momente.
(Tekstin e plotë mund ta lexoni nesër në gazetën kombëtare "Bota sot")
