Zogaj: Marrëveshja me Serbinë do të jetë rezultat i “shkundjes së elefantëve”

Politika

Zogaj: Marrëveshja me Serbinë do të jetë rezultat i “shkundjes së elefantëve”

Nga: G.B Më: 29 janar 2019 Në ora: 23:15
Skënder Zogaj

Kryeministri i Kosovës, Ramush Haradinaj, ka thënë se taksa nuk do të hiqet derisa Serbia ta njeh Kosovën si shtet të pavarur, derisa ka shtuar se është e mundur të arrihet një marrëveshje gjithëpërfshirëse me Serbinë, por jo si rezultat i ndonjë këmbimi territoresh.

Lidhur me atë se sa mund të ketë një marrëveshje me Serbinë brenda këtij viti, pasi Serbia e ka kushtëzuar dialogun me heqjen e taksës, njohësi i çështjeve politike, Skënder Zogaj, vlerëson se Haradinaj po mundohet ta mbajë nën kontroll situatën e krijuar me propozimet e Thaçit për korrigjim të kufijve.

“Kryeministri Haradinaj po bën përpjekje të shumta për ta mbajtur situatën në shërbim të situatës mjaft dramatike që është krijuar me propozimet e ndryshme ndër të cilat edhe “korrigjimi i kufijve ”që e ka lansuar Presidenti Thaçi”, ka theksuar ai.

Sipas Zogajt, Haradinaj nuk e ka aspak të lehtë ta mbajë ekuilibrin, por që po shkohet drejt një marrëveshje të domosdoshme.

“Në këtë situatë të ngatërruar them se Kryeministri nuk e ka hiç lehtë të mbaj ekuilibër, por një gjë është e sigurt se gjithçka është duke shkuar kah një marrëveshje e domosdoshme, që do të jetë rezultat i “shkundjes së elefantëve” ku e vlen të investohet edhe nga vogëlsia e udhëheqësve kosovarë që duhet të insistojnë për mbrojtje të identitetit shtetëror, për çka Haradinaj po bën përpjekje mbresëlënëse”, ka deklaruar Skënder Zogaj për gazetën “Bota sot”.

commentFirst article
Sot mund të lexoni Shfletoni kopertinat