Analisti Faton Mehmeti, konsideron se arsyeja e vetme që vendi nuk po shkon në zgjedhje është se PDK nuk po gjenë aleat tjetër, andaj është e detyruar të bashkëjetoj me Ramushin.
Sipas tij, ky i fundit po fiton popullaritet me taksen, gjë që s’po i pëlqen fare Hashimit.
“Nëse LDK-ja do të pranonte që të hynte në qeveri me PDK, kjo e fundit do e rrëzonte Haradinajn nga posti. Gjithashtu, PDK-ja nga sondazhet e di se do të pësoj debakel në zgjedhje, andaj nuk ka guxim që të qoj vendin në zgjedhje. Në këtë situatë nuk pritet të këtë zgjedhje, vetëm nëse një gjë të tillë e kërkon SHBA-ja për të dalur nga ngërçi i bllokimit të bisedimeve, për shkak te taksës”, ka potencuar ai.
Mehmeti ka shtuar se, nëse shkohet në zgjedhje, qeveria e ardhshme do të jetë mes LDK-së dhe VV-së, çka nënkupton lënien jashtë të PDK-së, duke qenë e vetëdijshme për këtë gjë partia e klanit "Pronto" nuk merr guxim për një gjë të tillë.
“Gjithsesi nëse SHBA-ja kërkon një gjë të tillë edhe do të ndodh, por do pritet edhe ndonjë ditë sa e fortë do të jetë rezistenca e kryeministrit Haradinaj”, ka thënë analisti Mehmeti.