Bondsteel mbetet në Kosovë, SHBA-së i bëhet thirrje të sanksionojë politikanët

Politika

Bondsteel mbetet në Kosovë, SHBA-së i bëhet thirrje të sanksionojë politikanët

Gresa Bajraktari Nga Gresa Bajraktari Më 1 mars 2019 Në ora: 21:42
Kampi Bondsteel

Shtetet e Bashkuara të Amerikës po kërkojnë pezullimin e taksës për mallrat e Serbisë dhe ato të Bosnjës.

E së fundmi, mos heqja e taksës ka sjellë në Prishtinë dy zyrtarë amerikanë, drejtorin kryesor për çështje evropiane në Këshillin e Sigurisë Kombëtare, John Erath dhe drejtorin për Ballkanin në Këshillin Kombëtar të Sigurisë, Brad Berkley.

Përfaqësuesit amerikanë kanë sjellë mesazhet për presidentin Hashim Thaçi, kryeministrin Ramush Haradinaj dhe katër zëvendëskryeministrat: Behgjet Pacolli, Fatmir Limaj, Enver Hoxhaj dhe Dardan Gashi.

Amerikanët e Këshillit Kombëtar të Sigurisë ua kanë tërhequr vërejtjen vendorëve se në rast të mosndryshimit të kursit aktual, Kosova rrezikon të ketë pasoja serioze në raport me Shtetet e Bashkuara të Amerikës.

“Nëse nuk hiqet taksa mund të ketë pasoja serioze. Përpos ndalesave të vizave dhe pezullimit të asistencës në fushën e sigurisë, mos-heqja e taksës dhe bllokimi i procesit të dialogut mund të bëjë që Shtetet e Bashkuara të Amerikës ta tërheqin edhe kampin Bondsteel”, ka thënë një burim duke iu referuar paralajmërimit njëzëri të zyrtarëve amerikanë.

Reagimi i Ambasadës amerikane

Ambasada amerikane përmes një komunikate për media njofton se trupat amerikane do të vazhdojnë të qëndrojnë në Kampin Bondsteel.

“Politika e Shteteve të Bashkuara ende është që të përkrahë KFOR-in dhe praninë e trupave të SHBA-ve në Kampin Bondsteel që ruan një ambient të sigurtë dhe lirinë e lëvizjes në Kosovë. Sikurse edhe gjetiu nëpër botë kjo dhe vendosjet tjera të trupave të SHBA-ve i nënshtrohen shqyrtimit të rregullt”, thuhet në komunikatën e ambasadës amerikane në Kosovë.

Tahiri: Vërejtjet e SHBA-së janë shumë të sakta dhe shumë serioze

Ndërsa, politologu Ramush Tahiri, ka thënë për gazetën “Bota sot” se vërejtjet e SHBA-së janë të sakta dhe shumë serioze, se letra e presidentit Trump është e qartë dhe se Kosova do të përballet me pasojat tragjike.

(Shkrimin e plotë mund ta lexoni nesër në gazetën kombëtare "Bota sot")

commentFirst article
Sot mund të lexoni Shfletoni kopertinat