Artur Roshi, njohës i çështjeve politike ka thënë se fitorja në Tuz e Shqiptarëve është një shenjë që tregon se kur di të bashkëpunosh fiton.
“Ne shqiptarët duhet të krijojmë kartën morale tonën ku përcaktohen qartë kondicionet e vendimeve që duhet të na bashkojnë dhe kondicionet e garave brenda vetes që duhet të na ndajnë. Kjo gjë nuk krijohet pa eksperiencë dhe pa krijuar ndërgjegjësim se gjërat e përgjithshme janë po aq të rëndësishme sa personalet. Ne nuk kuptojmë akoma se pushteti duhet për të ndërtuar bazat për të ardhmen e fëmijëve tanë si gjëja jonë më e shtrenjtë, dhe kjo krijohet në konceptin e “lënies gjurmë” pozitive për të nesërmen për krenarinë e tyre”, ka thënë njohësi i çështjeve politike Artur Roshi.
