Nënkryetari i Lidhjes Demokratike të Kosovës, njëherit kryetar i komunës së Gjilanit, Lutfi Haziri, në një intervistë ekskluzive për “Bota sot”, ka folur rreth raporteve me deputeten Vjosa Osmani.
I pyetur se nëse Osmani do t’i fiton zgjedhjet në LDK, a do ta gëzonte respektin e Hazirit si kryetare e partisë. Ai është përgjigjur duke thënë se e kanë një rregull që kandidaturat dalin vetëm kur përfundojnë zgjedhjet
“Nuk ka emër deri sot askush, përderisa nuk është deklaruar për shkak edhe të kohës, sepse ne e kemi një rregull që kandidaturat dalin vetëm kur përfundojnë zgjedhjet në të gjitha nivelet, deri atëherë as emri im, e as emri i askujt nuk është i lakuar për kryetarë të LDK-së”, ka thënë Haziri.
LEXO intervistën e plotë me Lutfi Hazirin
Tutje, Haziri ka theksuar se do të punojnë shumë në ruajtjen e këtij procesi zgjedhorë, i cili sipas tij, do të duhej të ishte një manifestim solemn.
“Ne e kemi kryetarin, kemi strukturat dhe të punojmë shumë në ruajtjen e këtij procesi zgjedhorë i cili e përsëris se do të duhej të ishte manifestim solemn, ku LDK rritet dhe forcohet më shumë”, ka deklaruar Haziri për gazetën “Bota sot”.