Lëvizja VV, tashmë ka filluar të mbajë tubime me qytetarë, të cilat pritet të mbahen në të gjitha komunat e Kosovës e që kanë për qëllim dërgimin e vendit në zgjedhje.
E në lidhje me këtë analisti politik Rexhep Shahu ka thënë për “Bota sot” se gjithkush bën luftën e vet politike siç po bën VV-së me tubimet që po mban.
Ai ka thënë se gjithkush synon pushtetin, por besoj se pushtet me mjete rruge nuk i jep Kosova askujt, madje nuk merret pushtet me protesta e revolucion, sepse askush nga mjete të tilla nuk mund ta merr madje mund të pësoj pastaj.
“VV mbase po përgatitet, por opozita e fragmentarizuar nuk e ka fuqinë goditëse. Ndërsa LDK-ja nuk mund as duhet të pres, ta marrë përdorë VV vetëm nëse e ka lejuar veten që ajo forcë aq e madhe politike të udhëhiqet nga VV. Unë besoj se LDK-ja duhet e vetme të fitojë besimin e humbur i cili fitohet jo me kalkulime numrash por me autoritetet e larta morale që i ka brenda vetes e nuk i sheh”, ka thënë analisti Rexhep Shahu.
