Edhe opinionisti Gani Mehmetaj, ka uruar gazetën kombëtare “Bota sot”, me rastin e 24 vjetorit të themelimit.
Ai ka thënë se “Bota sot”, mbetet kritike ndaj fenomeneve devijante si krimi, korrupsioni e nepotizmi.
Sipas tij, gazeta ishte veçmas kritike ndaj vrasjeve të personaliteteve publike të pasluftës.
““Bota sot” është gazetë ndryshe nga gazetat tjera. Ishte dhe ka mbetë opozitë e pushtetit, kritike ndaj fenomeneve devijante: krimit të organizuar, korrupsionit e nepotizmit. Veçmas “Bota sot” ishte kritike ndaj vrasjeve të personaliteteve publike të pasluftës. Qëndrimi pro Rugovës është ajo që i ka bërë lexuesit ta duan”, thuhet në urimin e Gani Mehmetajt.