Bashkësia Lokale e Karaçevës së Poshtme, i është drejtuar me një letër të hapur krerëve të shtetit, duke iu kërkuar që të intervenojnë për të mos u mbylluar shkollat në komunën e Kamenicës, shkruan Bota sot.
Në letrën e hapur të bashkësisë lokale, ndër të tjera, thuhet banorët e kësaj treve me plotë të drejtë janë kategorikisht kundër mbylljes së 19 shkollave.
“Ne banorët e kësaj treve me plotë të drejtë jemi kategorikisht kundër mbylljes së shkollave në fshatrat tona sepse konsiderojmë që është absurde ideja e kryetarit të Komunës së Kamenicës, Qëndron Kastratit”, thuhet në letër.
Banorët e Karaçevës kërcënojnë që nëse nuk merret parasysh paralajmërimi atëherë shtatori do të shoqërohet me protesta masive për të kundërshtuar këtë padrejtësi që po iu bëhet.