Avokati Tomë Gashi, i cili është edhe avokat i familjes së Astrit Deharit, thotë se, Astriti është vrarë në burgun e Prizrenit për arsye puro politike.
Gashi gjatë një interviste për gazetën “Bota sot”, ka thënë se, ende nuk ka arritur raporti nga Instituti Zviceran për Deharin.
“Në rastin e Astrit Deharit nuk ka asnjë lëvizje, këto ditë kam kontaktuar zyrën e prokurorit në Prizren dhe më kanë njoftuar se nga Instituti zviceran ende nuk ka arritur raporti i hetimeve të pavarura që është kërkuar nga unë si avokat i familjes së Astrit Deharit të vrarë në burgun e Prizrenit për arsye puro politike”, ka thënë Tomë Gashi.