Jeton Kelmendi krahason PDK-në me dillierin e fuqishëm të drogës, Pablo Eskobar - Bota Sot
Jeton Kelmendi krahason PDK-në me dillierin e fuqishëm të drogës, Pablo Eskobar

Politika

Jeton Kelmendi krahason PDK-në me dillierin e fuqishëm të drogës, Pablo Eskobar

Nga: D. B. Më: 13 shtator 2019 Në ora: 21:19
Jeton Kelmendi

Eksperti i Politikave Ndërkombëtare dhe Marrëdhënieve të Sigurisë, profesor Jeton Kelmendi, ka thënë se Kadri Veseli dhe partia e ‘Thaçëve’ i ka humbur të gjitha arsyet për të kërkuar votën tek qytetarët.

“Së fundmi ka vendosur që kjo parti kryesisht të thirret tek luftimi i korrupsionit, një fenomen i cili është shumë i tmerrshëm për të ardhmen e këtij populli, në ndërkohë që pikërisht korrupsioni është produkti kryesor i PDK-së. Edhe subjektet e tjera janë të përlyera me korrupsion, por, sidomos PDK, pasi gati të gjithë njerëzit e saj ose janë të akuzuar, ose janë të dyshohet që janë përfshirë në afera korruptive. Pra me çdo parim, ndërkombëtarisht njihet me ligj që çdo njeri i cili bën keq, në një moment vendos të mos bëjë më keq, llogaritet si pozitiv, këtë parim e ka pasur edhe Pablo Eskobar, i cili i njohur si një diller i fuqishëm i drogës, pasi kishte thënë se ai do t’i luftonte”, ka thënë profesor Kelmendi.

Sipas tij, këtu ekziston një gjë, do të mjaftonte që PDK-ja njerëzit e saj t’i largonte nga korrupsioni, dhe Kosova do të ndryshonte shumë.

“Nëse PDK-ja do të bënte një veprim të tillë ndoshta do të ndryshonte vendi, por ec e besoj Kadri Veselit dhe njerëzve të tij, pasi që deri sot çdo gjë e kanë ndërtuar mbi korrupsionin, nepotizmin, keqpërdorimit. Dhe natyrisht se kjo është e vështirë të arrihet pasi që për keqpërdorime të tilla, ka dyshime të fuqishme edhe për vetë kreun e PDK-së, në këtë drejtim, ai duhet ta largojë veten së pari”, ka thënë profesor Kelmendi.

Ai konsideron se në Kosovë është krijuar një praktik tepër e keqe, pasi njerëzit mbahen, vetëm me korrupsion, punësim tenderësh, e gjëra tjera të jashtëligjshme.

“Shpresat nuk janë shumë të mëdha kësaj radhe, dhe Kosova do të qeveriset nga koalicioni LDK-VV, megjithëse, dorën në zemër, kam dyshime të mëdha edhe tek këto dy subjekte, sidomos me prurjet e tyre të reja. Fushatat parazgjedhore po i shfrytëzojnë për interesat e tyre personale, por edhe për liderët e tyre, sidomos debatet televizive të cilat po i ndjekim, po shohim se si po kemi akuza të ndërsjella me shifra konkrete”, ka thënë profesor Kelmendi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...