Zyrtari i LDK-së, Bajram Gecaj, në një prononcim për “Bota sot”, ka thënë se Partia Demokratike e Kosovës, gjegjësisht kryetari i saj Kadri Veseli ka nëpërkëmbur miqësinë dhe lidhjet e ngushta të Kosovës, me SHBA-të, shkruan “Bota sot”.
Sipas tij, duhet të jesh shumë i ulët të hysh në një valle të tillë keqpërdorimi.
“Ky është një keqpërdorim flagrant i mikut më të mirë, më të rëndësishëm dhe më të sinqertë të vendit tonë. Duhet të jesh shumë i ulët të hysh në një valle të tillë keqpërdorimi. SHBA-të janë miq të popullit të Kosovës, jo të ndonjë individi apo partie politike. E në veçanti jo atyre të cilat kanë instaluar krimin dhe korrupsionin”, tha ai.
Më tej, Gecaj, shtoi se është fat i mirë që SHBA-të njohin secilin.
“Është një keqpërdorim i turpshëm, por fati ynë është se ata e dinë për secilin nga ne, kush dhe çfarë jemi. Populli duhet t’i dënoi ashpër ata që keqpërdorin mikun tonë të përhershëm”, tha ai.