Neglizhenca apo thënë në popullorqe “zhagitja” e LDK-së dhe Vetëvendosjes në nënshkrimin e marrëveshjes, krijon bezdi tek masa dhe për më keq, krijon situatë jo të mirë edhe në raportin në mes të dy partive që pritet të qeverisin në mandatin e ardhshëm.
Në një bashkëbisedim me “Bota sot”, profesori universitar Rrahman Paqarizi, konsideron se janë disa javë në dispozicion dhe në vend se të shpotiten e të acarojnë publikun, të dy partitë duhet të ulën e gjejnë mënyrën për të bërë koalicionin sa më parë.
“Është çështje negociatash dhe mendoj se nuk duhet t’i mbajmë në presion LDK e LVV, ndonëse vetë ato e kanë vënë vetën në siklet duke deklaruar se koalicioni do të arrihet shpejt. Pra, janë edhe disa javë ne dispozicion dhe në vend së të shpotiten e të acarojnë publikun, dy partitë duhet të ulen e të gjejnë modalitetet për bërjen e koalicionit dhe në momentin që konstituohet Kuvendit të jenë të gatshme ta prezantojnë qeverinë”, tha ai.
Tutje, Paraqirizi, shtoi se nuk ka nevojë për zhumë por për punë.