Maloku: Koha për ta paditur Serbinë nuk vjetërsohet kurrë , por drejtësia e vonuar është e mohuar - Bota Sot
Maloku: Koha për ta paditur Serbinë nuk vjetërsohet kurrë , por drejtësia e vonuar është e mohuar

Politika

Maloku: Koha për ta paditur Serbinë nuk vjetërsohet kurrë , por drejtësia e vonuar është e mohuar

Nga: D.B Më: 11 dhjetor 2019 Në ora: 14:43
Ilustrim

Ndonëse është koha e fundit që Kosova të ndërmarr diçka për të ngritur padi ndaj Serbisë për krimet e luftës, megjithatë Kosova nuk është ende anëtare e OKB-së, prandaj, ajo nuk ka mundësi për ta vënë përballë anëtaren tjetër të OKB-së, në këtë rast Serbinë, para Gjykatës.

Politologu Albinot Maloku në një prononcim për “Bota sot” ka thënë se Kosova konkretisht Kuvendi i saj deri më tani i ka nxjerr disa rezoluta të cilat ndërlidhen me krimet e Serbisë, por nuk është se e ka konkretizuar ndonjë hap i cili kishte mundur me qenë i prekshëm. “Ndërkombëtare të Drejtësisë për gjenocidin e bërë në Kosovë. Mirëpo, kjo nuk do të duhej të ishte ngushëllim. Koha për ta paditur Serbinë nuk vjetërsohet kurrë , por drejtësia e vonuar është e mohuar. Mekanizmat ndërkombëtarë të drejtësisë, jashtë dhe brenda Kosovës, nuk i kanë bërë asnjëherë presion shtetit serb në lidhje me krimet e kryera në Kosovë.

Çështjen e vendosjes në bankën e përgjegjësisë për Serbinë e kishte çoroditur edhe ky dialogu i ‘normalizimit’ të raporteve mes saj dhe Kosovës. Normalizimi i raporteve mes Kosovës dhe Serbisë i nisur së prapthi, e jo siç do të duhej, i ka vënë në hije angazhimet e Kosovës në drejtim të padisë. A ka fakte të mjaftueshme për t'i dokumentuar krimet që ka kryer Serbia në Kosovë? Kosova ka pasur dhe ka fakte e dëshmi që ligjet ndërkombëtare do ti njihnin si tilla për krimet e kryera nga ana e Serbisë ndaj Kosovës, por që për këtë Kosova dhe institucionet e saja nuk kanë punuar sa duhet”, ka thënë politologu Albinot Maloku.

Sipas tij, Kosova tek në vitin 2011 kishte themeluar Institutin për Hulumtimin e Krimeve të Luftës, dhe ky Institut për punë bazë pati kalimin e fazës së parë, e cila është përgatitja e të gjitha materialeve të nevojshme, duke filluar nga mbledhja, selektimi, përpunimi dhe përgatitja e dosjes për padinë, mirëpo ky Institut dështak nuk bëri asgjë. Për më keq u mbyll. Për mbledhjen e fakteve që kanë qenë të bollshme për krimet e Serbisë në Kosovë më shumë janë angazhuar disa organizata joqeveritare vendore e ndërkombëtare sesa Instituti në fjalë.

Llojet e krimit ndaj Kosovës e shqiptarëve kanë qenë prej aparteidit, agresionit kushtetues, agresionit ushtarak, helmimeve, dhunimeve, vrasjeve, masakrave e deri te djegia e mbetjeve mortore, si akti më i lartë i krimit, pra tentimi për zhdukjen e fakteve. E mos të flasim për shkatërrimin e pasurisë shoqërore e individuale deri në zero”, ka thënë politologu Maloku.

Image
Albinot Maloku

 

Ai konsideron se ka fakte të pa mohushme dhe të bollshme për të treguar bëmat e Serbisë ndaj Kosovës dhe qytetarëve të saj. “A mjaftojnë vetëm reagimet me fjalë ndaj deklaratës së Vuçiqit së masakra e Reçakut ishte e "inskenuar" Reagimet mediatike të të gjitha instancave në vend e jashtë saj, nuk kanë për të ndryshuar asgjë në Serbi. Logjika politike e juridike e Serbisë është po ajo e vjetra. Nuk ka befasi nga ajo por hidhërim ndaj pa punës së vendorëve dhe dyfytyrësisë së ndërkombëtarëve”, ka thënë politologu Albinot Maloku.

Shfaq komentet
comments powered by Disqus
Sot mund të lexoni Shfletoni kopertinat