Përderisa botën e ka goditur koronavirusi, Kosovën e varfër e ka goditur jo vetëm koronavirusi, por edhe kriza e rëndë politike-insitucionale. Kjo për faktin se rrëzim i qeverisë pas 50 ditëve në pushtet, është goditje e forte nën brez që ju ka bërë Kosovës në kohë kolere.
Kështu ka vlerësuar analisti politik Skender Mulliqi i cili në një prononcim për gazetën “ Bota sot” ka thënë se kjo klasë politike në medie të shkruara dhe ato elektronike , në debate të ndryshme në vend që të përçojnë mesazhe pozitive për temën e pandemisë, ata nuk i kanë lënë opstrukcionet politike karshi qeverisë në detyrë.
“Politikanët që për 20 vite nuk punuan mirë në kohë pandemie po kërkojnë që të formohet qeveri e re. Po kërkojnë të mbarojnë shtëpi më materjal të dobët.E rrëzuan qeverinë mbi bazat e kauzave të rreme që mos të lejohen reformat aq të nevojshme .Tani lind pyetja se përse qeverinë e rrëzuan në kohë pandemie, kjo nuk i pengoj fare e tash dalin me deklarata, se nuk bënë të vazhdohet së është kohë pandemie pa qeveri të re gjithë përfshirëse. Dhe për të qenë e keqja edhe më e madhe e gjithë kësaj, po dëshirojnë më presidentin, Thaçi dhe Mustafen e LDK-se, të formojnë qeveri jashtë praktikave të deritashme - jo kushtetuese”, ka thënë analisti politik Skender Mulliqi.
Sipas tij, veprimet e tilla më dy kute veç sa e vështirësojnë situatën politike në Kosovë, pasi të tillët kanë zgjedhur metodat e tipit propagandistik se në veri ka ndërhyrë politika e Beogradit e që ndikimin i politikës së Beogradit më strukturat paralele kriminale i kemi krejt pas luftën.
“Tani shtroj pyetjen se ku ishin këta që nuk e shtrinë sovranitetin e plotë në veri? Kjo politikë e tyre po vazhdon, më marifetin e fundit, pse është lejuar të ndihmohemi nga Serbia në fushën e mjekësisë kur e gjithë bota po e ndihmojnë njeri- tjetrin për shkaqe humanitare. Këta bëhen sikur kanë harruar së me Listën Serpska kanë formuar qeverinë. Edhe tash nëse kontrabandohet qeveria pa LVV , do të kemi një situatë të ngjashme se ju duhen prap monoritetet”, ka thënë Mulliqi.
Ai konsideron se kori i kritizerëve politikë, nuk po i dëshirojnë as ndihmat e mërgatës që i ka kërkuar qeveria e shkarkuar, e Albin Kurtit.
“Dihet së Kosova e varfër dhe e varfëruar nga pushtetet e tyre ,nuk ka mundësi të përballon krizën pa ndihmën e mërgatës, e cila gjithmonë është treguar solidare në momentet më të vështira për Kosovën. Nga mentalitetet e dikurshme autokratike, nga logjiket regresive të kësaj klase politike, duhet të lirohemi përgjithmonë. Pikërisht sepse populli shumicë nuk iu beson të tillëve”, ka thënë analisti politik Skender Mulliqi.