Profesori universitar dhe njëri ndër hartuesit e Kushtetutës së Kosovës, Riza Smaka, në një prononcim për “Bota sot”, ka folur se çfarë pritet të ndodh pasi Gjykata Kushtetuese e pezulloi dekretin e presidentit Hashim Thaçi, i cili mandatoi Avdullah Hotin për kryeministër të ardhshëm.
“Me bazë mund të pritet në anulimin e vendimi të opozitës parlamentare për formimin e Qeverisë së subjekteve politike humbëse në zgjedhje pa subjektin politik fitimtar në ato zgjedhje aq më parë kur LV nuk e ka absolvuar prioritetin e propozimit të kandidati për mandatar për formimin e ekzekutivit”, ka deklaruar ai për “Bota sot”.
Gjithashtu, ai ka potencuar se vendimi i Gjykatës Kushtetuese do të ofrojë një platforme juridike për tejkalimin e krizës juridike aktuale.
“Së pakut deri në vendimin e Gjykatës Kushtetuare gjendja do të mbetet në Status Ëuo Ante. Qeveria aktuale do t'i ushtronte funksionet e veta deri në shpalljen e zgjedhjeve të përgjithshme që do të mund të caktoheshin pas normalizimit të gjendjes shëndetësore të jashtëzakonshme. Gjithsesi vendimi i Gjykatës Kushtetuare do të ofrojë një platforme juridike për tejkalimin e krizës juridike aktuale. Të llogarisim në qëndrim konsekuent dhe të pandikuar politikisht të Gjykatës në fjalë”, ka përfunduar Smaka për “Bota sot”.
