Albin Kurti, i është drejtuar Komisioni të Venecias për kompetencat e presidentit të Kosovës për shpërndarjen e kuvendit dhe për propozimin e mandatarit për kryeministër.
Njohësi i çështjeve juridike, Blerim Bujrani, në një prononcim për “Bota sot”, ka thënë se, dërgimi i një kërkese të tillë në Komisioni e Venecias, është imitim i Shqipërisë që dikur kishte dërguar diçka të ngjashme.
“Ky është organ profesional jo obligativ, ky model i dërgimit atje të një kërkese të tillë është imitim i Shqipërisë që dikur kishte dërguar diçka të ngjashme. Andaj këtu s’ka gjë, por normal së është pozitive të jepet sa më shumë mendime profesionale, situata është e qartë në Kosovë, partia fituese ka dështuar të bëj koalicion me dikënd prej partive dhe kjo është çështje e kryer, e keqja e kësaj është se partitë te ne janë të ngjashme të gjitha e dëshirojnë pushtetin dhe nuk duan kurrë të kenë një qeveri teknike që do të ishte zgjidhje momentale shumë më normale” shprehet Burjani.
Sipas tij, partitë gjithmonë e befasojnë popullin dhe i vendosin në pozitë jo normale zhvillimet shtetërore.
“Këto parti synim kanë pushtetin, ndarjen e posteve, biznesin ekonomik, janë të vrazhda dhe kurrë nuk janë në gjendje të kërkojnë zgjidhje ndryshe. Tash VV me zor tenton të jetë në pushtet deri në zgjedhje, inati këta tjerët e din pushtetin s’ka lidhje pse por i duan bordet profesionale, paranë për të kontrolluar, s’ka gjë. Kosova duhet të gjej alternativë të re politike ose shteti ka me pas gjithmonë probleme me këto parti”, përfundon Burjani.
