Ish-këshilltari politik i ish-kryeministrit Albin Kurti, Driton Tali, ka folur për takimin e 27 qershorit që do të zhvillohet në SHBA.
Në këtë takim, delegacioni i Kosovës dhe ai serb flitet se mund të nënshkruajnë marrëveshjen përfundimtare me ndërmjetësimin e SHBA-së.
E për këtë, Tali thotë se në kushte normale, në këtë periudhë kohore kaq të shkurtër, nuk mund të arrihet as ndonjë marrëveshje e rëndomtë se lere më ndonjë marrëveshje e rëndësisë primare.
“Megjithate, duke u nisur nga sjelljet e z. Thaçi në kohën e fundit, që thënë më së buti të çrregulluara, atëhere personalisht nuk do të çuditem fare nëse arrihet marrëveshja përfundimtare”, thotë Tali për gazetën “Bota sot”.
Ai shprehet tutje se nuk çuditet, duke e pasur parasysh edhe Kryeministrin Avdullah Hotin, i cili sipas tij, është thjeshtë një karakater koti, “detyra e të cilit është veç t'ia mbajë çantën dhe mantilin Presidentit e asgjë tjetër. Pra krejt i papërfillshëm”.
“Dhe kësaj nëse ja shtojmë edhe faktin se z. Thaçi dhe z. Vuçiq ka kohë që kanë kultivuar marrëdhëniet e tyre. Në këtë kontekstë duhet t'i kemi parasysh deklaratat e shumta të tyre për ndarje territoriale të Kosovës që na kanë bërë të dyshojmë bazuaeshëm se Marrëveshja tashmë egzoston veç pritet të zyrtarizohet”, përfundon Tali.