Zgjidhja problemit te presidentit të Republikës së Kosovës mund te zgjidhet në dy variante, ose të bëhen ndryshimet kushtetuese ku presidenti do të zgjidhej nga qytetarët, ose me ndryshim të sistemit zgjedhor.
Kështu ka vlerësuar njohësi i çështjeve juridike e politike Blerim Burjani i cili në një prononcim për gazetën “ Bota sot” ka thënë se gabimi më i madh u bë që nuk ndryshojë sistemi proporcional në gjysmë mazhoritar.
“E them këtë pasi sikur të ndryshonte sistemi proporcional në gjysmë mazhoritar, ose plotësisht mazhoritar do të ndalte partitë e vogla dhe individët e tyre që sillen si pronar të partive të marrin postin e presidentit përmes pazarit shantazhues apo pazareve tjera”, është shprehur njohësi i çështjeve juridike e politike Blerim Burjani.