Shumë kandidatë për kryetar të LDK-së, analisti jep një propozim interesant: Ky duhet të jetë kryetari i ri

Politika

Shumë kandidatë për kryetar të LDK-së, analisti jep një propozim interesant: Ky duhet të jetë kryetari i ri

Nga: N. H Më: 12 mars 2021 Në ora: 23:01
Lidhja Demokratike e Kosovës

Derisa të dielën pritet të mbahet Kuvendi zgjedhor u LDK-së ku pritet të zgjedhet kryetari i ri, në garë deri më tani janë katër kandidat.

Kryetari aktual i Gjilanit, Lutfi Haziri, deputeti i zgjedhur, Lumir Abdixhiku, dhe dy minustrat në detyrë, ai i Mbrojtjes, Anton Quni dhe ai i Bujqësisë, Besian Mustafa, janë katër kandidatët që të dielën do të synojnë votat e 335 delegatëve

Analisti politik, Sulejman Mehazi, duke folur për Kuvendin zgjedhor të Lidhjes Demokratike të Kosovës, ka thënë se kjo parti ka nevojë për ripërtrirje dhe për ndryshime rrënjësore.

Image
Sulejman Mehazi

“Deklarata e Anton Qunit se “do mundohet të bëjë një pajtim të madh” në LDK, është shumë e pasinqertë, ai në njërën anë, thotë se ka “hatërmbetje e frustrime”, në anën tjetër Quni, Haziri e Abdixhiku konkurrojnë njëri-tjetrin për kryetar të LDK-së. Nëse Quni mendon që mos të “humbë edhe një anëtar të LDK-së e se ka nevojë për çdo njeri”, gabim e ka, për shkak se LDK-ja nuk ka nevojë tani e tutje për politikanë të harxhuar të Hazirave, Isave e Agimave, po me frymosje personalitetesh që do i japin energji e ripërtrirje për ndryshime rrënjësore të LDK-së, e jo për të pajtuar miqtë e vjetër të Anton Qunit. Mos qëllimi i “pajtimit të madh” i Qunit është që pas zgjedhjes së tij si kryetar i LDK-së, të vazhdonte miqësinë politike të LDK-së me të njëjtët personalitete që humbën zgjedhjet parlamentare”, ka deklaruar analisti Mehazi.

Mehazi thekson në këtë prononcim për gazetën “Bota sot” se LDK-ja vetëm me gjeneratën e re do çojë proceset e partisë përpara së bashku me Kosovën.

Sondazh online: Kush duhet të bëhet kryetar i LDK-së?

“Do ishte shumë e dobishme për LDK-në, sikur Anton Quni të bënte pajtimin e madh për dorëheqjen e kundër kandidatëve tij, Haziri, Abdixhiku e Mustafa, për të mbetur vetëm ai kandidat i vetëm për kryetar të LDK-së, përndryshe, më 14 mars, asnjëri prej tyre nuk do bëhet kryetar i LDK-së. Anton Quni duhet ta di se nuk mundet të bëjë pajtime me ata të LDK-së që humbën zgjedhjet, ata duhet larguar sa më shpejt, pajtimi i madh i LDK-së duhet të bëhet me një gjeneratë të re politikanësh që do çojnë proceset e partisë përpara së bashku me Kosovën. Nuk mund të bashkohen tog të këqijtë, fajtorët e partisë më të mirët e të autoritetshmit e LDK-së”, tha ai.

Në fund, njohësi i çështjeve politike propozon që mes kandidatëve duhet të ndodhë një pajtim, e që sipas tij është që Quni, Hazi e Abdixhiku të mos kandidohen dhe ta lenin të vetmuar kandidaturën e Ministrit në detyrë të Bujqësisë, Besian Mustafën.

“Pajtimi i madh i Anton Qunit s’është i arsyeshëm për shkak se është i tollovitur me të këqijtë dhe të mirët e LDK-së. “Pajtimi i madh” i LDK-së do ishte sikur Anton Quni, Hazi e Abdixhiku të mos kandidohen e ta lenin të vetmuar kandidaturën e Ministrit në detyrë të Bujqësisë, Besian Mustafën. Kandidatura e katër personave për kryetar tregon se LDK-ja është parti e klaneve e interesave, e kurrsesi e qytetarëve dhe Republikës së Kosovës”, tha në fund, njohësi i çështjeve politike, Sulejman Mehazi, për gazetën “Bota sot”.

Shfaq komentet
comments powered by Disqus
Sot mund të lexoni Shfletoni kopertinat