Lojë fjalësh/Serbia nuk është e interesuar për zgjidhje, ja çfarë tregojnë deklaratat e Vuçiq

Politika

Lojë fjalësh/Serbia nuk është e interesuar për zgjidhje, ja çfarë tregojnë deklaratat e Vuçiq

Nga: A.SH Më: 7 tetor 2021 Në ora: 14:31
Samiti në Bordo të Sllovenisë

Dje në Samitin e mbajtur në Bordo të Sllovenisë, ishin pjesëmarrëse vendet e Ballkanit perëndimor dhe ato të BE-së.

jesë e samitit ishin edhe Kosova e Serbia, ku u diskutua për dialogun mes tyre, kryesisht vazhdimin e tij.

Presidenti i Serbisë, Aleksandër Vuçiq, në Samitin në Slloveni deklaroi se shteti i tij nuk do të jetë në gjendje që t’i bashkohet Bashkimit Evropian, nëse nuk zgjidh çështjet e pazgjidhura me Kosovën.

“Pa i zgjidhur çështjet me Prishtinën, Serbia nuk do të jetë në gjendje që t’i bashkohet BE-së”, tha ai.

Juristi dhe njohësi i çështjeve politike, Blerim Burjani, në një prononcim për “Bota sot”, ka thënë se deklarata nga ana e Serbisë është thjeshtë lojë fjalësh.

Image
Blerim Burjani

 

“E pranon se zgjidhja e problemit të Kosovës është e rëndësishme, në anën tjetër kjo zgjidhje është e ndryshme nga ajo që pret Kosova si zgjidhje me Serbinë, kjo është lojë fjalësh por asgjë më shumë”, ka thënë ai.

Sipas tij, Serbia nuk është e interesuar për një zgjidhje, se po të ishte, kaherë ishte marrë vesh me Kosovën. Burjani ka shtuar se BE nuk duhet të merret me retorikën e Serbisë.

“Serbia po të ishte e interesuar për BE, kaherë do të ishte marrë vesh me Kosovën për zgjidhje, kjo e dëshmon që 20 vjet gjendjen siç është, pra nuk ka shumë lojë për fjalë te tilla, duhet angazhim i qartë e i sinqertë, e jo zgjidhjen që e shndërron në politika mesjetare, pra është kjo retorikë dhe BE nuk duhet më të merret me retorikën. Kjo retorikë është e dëmshme dhe nuk sjell asnjëherë ndonjë zgjidhje”, ka deklaruar Blerim Burjani për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat