Deputetët e Kuvendit të Kosovës kanë dështuar ta konstituojnë Kuvendin e Kosovës.
Seanca përfundoi brenda minutash.
Seanca vazhdoi me pikën e rendit të ditës të përcaktuar nga kryesuesi i seancës, deputeti i Lëvizjes Vetëvendosje, Avni Dehari, që është formimi i komisionit parlamentar për votim të fshehtë për zgjedhjen e kryeparlamentarit.
Seanca e ardhshme u caktua të shtunën duke filluar nga ora 10:30.
E në lidhje me këtë situatë të krijuar dhe nevojën e ndërhyrjes së ndërkombëtarëve në një prononcim për “Bota sot”, ka folur analisti politik, Faton Mehmeti.
Analisti dëshiron të thotë se Kryeministri Kurti po e manipulon situatën politike për të çuar vendin në zgjedhje, ndërsa opozita, për shkak të papjekurisë së saj, po bie pre e kësaj loje.
Ai gjithashtu thekson se zgjidhja e këtij ngërçi nuk mund të vijë nga vetë politika vendore, por vetëm përmes ndërhyrjes amerikane.
“Albin Kurti po vazhdon lojën me opozitën me synimin për ta çuar vendin në zgjedhje, bashkë me ato lokale. Të gjithë e kanë kuptuar lojën e tij, përveç opozitës, e cila, me papjekurinë e vet, është shndërruar në "viktimë".
Në këtë kuptim, dua të theksoj edhe faktin se është e turpshme mënyra si disa politikanë mendojnë vetëm për veten dhe jo për interesin e qytetarëve. E kam theksuar edhe më parë se vetëm ndërhyrja amerikane mund ta zhbllokojë ngërçin – ndryshe, odiseja e seancave të dështuara do të vazhdojë edhe më tutje”, u shpreh ai.
Në fund, analisti thekson që analisti parashikon se në zgjedhjet e ardhshme, qytetarët do të shprehin pakënaqësinë e tyre ndaj politikanëve përmes rritjes së mos-pjesëmarrjes në votime.
“Dua të theksoj gjithashtu se, kurdo që të mbahen zgjedhjet, qytetarët do t’i japin përgjigjen e duhur të gjithë politikanëve përmes mos-pjesëmarrjes në votim – një shifër që pritet të rritet”, përfundoi Mehmeti për “Bota sot”.
