Koordinator i Degës së AAK-së, në Drenas, emërohet Zeqir Kiqina, kjo deri në mbajtjen e zgjedhjeve në këtë Degë.
Kështu thuhet në një njoftim të AAK-së, ku theksohet se situata e krijuar në këtë Degë, si pasojë e mosfunksionimit të strukturave drejtuese atje, e për të cilat kryesia qendrore ka kohë që është në dijeni, e ka shtruar nevojën e riorganizimit dhe zgjedhjeve të reja në degë.
“Kryetari i deritashëm, Bujar Morina, lirohet nga të gjitha detyrat dhe përgjegjësitë dhe AAK e falënderon për bashkëpunimin e deritashëm, dhe i uron sukses kudo që të shkojë”, thuhet në njoftim.