Lidhur me mandatin e Forcës së Sigurisë së Kosovës, ka folur sot edhe komandanti i KFOR-it, gjeneral-majori Giovanni Fungo, gjatë një vizite në Gorazhec
Gjenerali italian ka deklaruar se KFOR-i e njeh Forcën e Sigurisë së Kosovës (FSK) “vetëm në formën e saj aktuale”.
“Forcat e Sigurisë së Kosovës deri më tani kanë punuar brenda mandatit të tyre dhe kjo është forma në të cilën ne i njohim ata”, ka thënë Fungo.
Ai ka theksuar se KFOR-i do të vazhdojë të kryejë misionin e tij në garantimin e sigurisë, lirisë së lëvizjes për të gjithë, pavarësisht prejardhjes etnike dhe religjionit.
Këto deklarata Fungo i bëri sot gjatë një vizite në Gorazhdec, ku u takua me përfaqësuesit e serbëve lokal.
