Në fillim të muajit mars, Kuvendi i Kosovës miratuar një rezolutë me të cilën kërkohej pezullimi i dialogut me Serbinë, deri në lirimin e Ramush Haradinajt, i cili që nga muaji janar 2017, po mbahet nën masën e lirimit me kusht, në Colmar të Francës.
Rezoluta u propozua nga Aleanca për Ardhmërinë e Kosovës dhe gjeti mbështetjen nga të gjitha grupet parlamentare, në pushtet dhe opozitë.
“Të pezullohet procesi i dialogut për normalizimin e marrëdhënieve ndërmjet Kosovës dhe Serbisë, deri në lirimin e ish-kryeministrit të Kosovës, Ramush Haradinaj. Qeveria e Republikës së Kosovës të kërkojë nga BE-ja, që ta detyrojë Serbinë për t’i anuluar të gjitha aktakuzat dhe fletë-arreste të lëshuara nga Serbia, përmes Interpolit për shtetasit e Republikës së Kosovës”, thuhet në tekstin e Rezolutës.
E njëjta Rezolutë gjeti përkrahje edhe nga Qeveria e Kosovës dhe ashtu siç ka konfirmuar Ministrja për Dialog Edita Tahiri, bisedimet janë pezulluar deri në reagimin e Serbisë.
Por, në vend që të pritej një reagim me veprime konkrete, nga Serbia, vijnë kërkesa në formë lutjeje, për rifillimin e bisedimeve. Aleksandër Vuçiç, i cili së fundmi ka fituar zgjedhjet presidenciale, iu ka bërë thirrje shqiptarëve të Kosovës që të vazhdojnë dialogun në Bruksel.
Ai ka komentuar ‘kërcënimet’ nga ana e shqiptarëve, duke thënë, se për shkak të kësaj duhet të vazhdojë dialogu në Bruksel. Sipas të njëjtit, është e rëndësishme të largohen tensionet dhe të mos ketë provokime të reja, fjalë të tilla se do dëbohen njerëzit nga shtëpitë e tyre.
(Tekstin e plotë mund ta lexoni të Marten në publikimin e shtypur të gazetës kombëtare “Bota sot”)
