“Në situata reale dhe në të gjitha këto ditë të fundit, që unë kam pasur kontakt me elektoratin, është një zgjim në elektorat dhe në strukturat e LDK-së. Ajo se çfarë ndodhi atë ditë, që LDK-ja mbeti e vetme e sulmuar prej të gjithëve, në një farë forme është një sinjal mobilizimi tek elektorati i LDK-së,” ka nënvizuar Sadri Ferati për “Bota sot”.
Qeveria Mustafa ka bërë një javë që nga rrëzimi i saj, nga mocioni i mosbesimit i inciuar nga partitë opozitare dhe i votuar edhe nga koaliconi qeverisës i LDK-së, Partia Demokratike e Kosovës. Data e zgjedhjeve të jashtëzakonshme është vendosur më 11 qershor, ndërsa përkundër rrëzimit të Qeverisë Mustafa, Lidhja Demokratike e Kosovës ende shihet si favorite për fitimin e zgjedhjeve. Se Lidhja Demokratike e Kosovës, ka shumë mundësi të dalë më e fortë në zgjedhjet parlamentare e pohojnë edhe analistët polititë dhe zyrtarë të kësaj partie.
Deputeti i Lidhjes Demokratike të Kosovës, Sadri Ferati ka thënë, se ditët e fundit ka një zgjim në elektorat dhe në strukturat e LDK-së. Ferati ka theksuar, se në ditën e votimit të mocionit LDK-ja, mbeti e vetme e sulmuar nga të gjithë, por kjo gjë ka krijuar mobilizim tek elektorati i LDK-së. “Në situata reale dhe në të gjitha këto ditë të fundit, që unë kam pasur kontakt me elektoratin, është një zgjim në elektorat dhe në strukturat e LDK-së. Ajo se çfarë ndodhi atë ditë, që LDK-ja mbeti e vetme e sulmuar prej të gjithëve, në një farë forme është një sinjal mobilizimi tek elektorati i LDK-së,” ka nënvizuar Ferati për “Bota sot”.
(Tekstin e plotë mund ta lexoni të Merkuren në publikimin e shtypur të gazetës kombëtare “Bota sot”)