Beogradi zyrtar me “muskuj” përmes Listës Serbe, po vazhdon ti forcojë ndikimet e veta, duke kapur kështu një numër të madh të komunave për udhëheqje nga Lista Serbe.
Sipas rezultatit të deritanishëm, Lista Serbe, si parti që përfaqëson komunitetin serb në Kosovë, me mbështetjen e tërësishme të Beogradit zyrtar, në zgjedhjet lokale të 22 tetorit, në garën për kryetarë të komunave ka fituar në 9 prej 10 komunave me shumicë serbe në Kosovë derisa akoma mbetet për tu qartësuar rezultati, në Komunën e Kllokotit ku Lista Serbe ka shkuar në balotazh.
Kompromiset e rrezikshme
Njohësit e çështjeve politike vlerësojnë se Beogradi zyrtar do të shfrytëzojë çdo mjet të mundshëm përmes kësaj liste, që ta ketë ndikimin e vetë në Kosovë.
Sipas tyre, kjo është si pasojë që po i faturohet Kosovës për shkak të kompromiseve të vazhdueshme që u bënë në të kaluarën në procesin e bisedimeve me palën serbe.
Opinionisti Nexhat Haziri ka thënë se zgjedhjet lokale në të cilën Lista Serbe do të udhëheq në 10 komuna të Kosovës, dhe ndikimi i Beogradit zyrtar tek serbët e Kosovës se kah duhet ta orientojnë votën e tyre, është një tregues i qartë për rrolin dhe fuqinë e Serbisë gjithnjë në ngritje në Kosovë.
(Tekstin e plotë mund ta lexoni të Premten në publikimin e shtypur të gazetës kombëtare “Bota sot”)
