Shumë herë është diskutuar që çështja e të zhdukurve të jetë pjesë e bisedimeve më Serbinë dhe se të bëhet presion më i madh nga ndërkombëtaret ndaj shtetit serb për gjetjen e trupave që ende llogariten të jenë rreth 1658 persona, për fatin e të cilëve nuk dihet asgjë.
Prenk Gjetaj, kryetar i Komisionit Qeveritar për të Pagjeturit, në një prononcim për gazetën “Bota sot”, tha se çështja e të pagjeturve duhet të diskutohet edhe në bisedimet e Brukselit.
“Normalisht se kërkesa e familjareve jo vetëm që është mendim por edhe kërkesë e tyre sepse ata mendojnë se çështja e të pagjeturve gjegjësisht personave të zhdukur të jetë në agjendën e bisedimeve ndonëse ne nuk e dimë se do të këtë bisedime dhe se në çfarë formati po të bëhen, por vazhdimisht kanë kërkuar që kjo çështje të jetë në agjendën e bisedimeve ku edhe të dialogohet edhe për çështje të tjera politike duke u nisur nga fakti personat e gjetur tashme kanë kaluar si çështje politike sepse ndonëse nuk po japin rezultatet aq sa duhet këto format e bisedimeve apo dialogu të zhvillohet në kuadër mes dy vendeve më ndërmjetësimin e komunitetit ndërkombëtar”, ka thënë Gjetaj për “Bota sot”.
Gjetaj ka vlerësuar edhe punën e komunitetit ndërkombëtar, e sidomos Kryqit te Kuq Ndërkombëtar.
“Ne asnjëherë nuk e kemi mohuar por ajo është organizate humane dhe nuk mund të del jashtë statusit të saj për tu marr më çështje politike. Megjithatë qeveritë e më parme por edhe tani asnjëherë nuk kanë hezituar që kjo çështje mos të futet në agjendën e bisedimeve po mendoj bisedimeve politike por nuk ka qenë disponimi a komunitetit ndërkombëtar apo bashkësisë ndërkombëtare për ketë çështje më arsyetim se kjo është çështje humane dhe se komuniteti ndërkombëtar i Kryqit te Kuq mundet në këtë aspekt te ndihmoj”, është shprehur ai.