Ekskluzive: Flet prokurori i Speciales David Schwendiman, ky është paralajmërimi i tij - Bota Sot
Ekskluzive: Flet prokurori i Speciales David Schwendiman, ky është paralajmërimi i tij

Politika

Ekskluzive: Flet prokurori i Speciales David Schwendiman, ky është paralajmërimi i tij

Gresa Bajraktari Nga Gresa Bajraktari Më 20 shkurt 2018 Në ora: 17:29
David Schwendiman

“Vendosmëria e atyre që po punojnë në Zyrën e Prokurorit të Specializuar nuk do të ndikohet nga largimi im, dhe kushdo qoftë që vjen pas meje do të jetë po aq e zotuar në kryerjen e punës drejt dhe mirë dhe aq shpejtë sa është e mundshme”, përfundon përgjigja e Prokurorit të Specializuar David Schëendiman, për gazetën “Bota sot”.

Prokurori special David Schwendiman do të përfundojë mandatin e tij me 31 mars të këtij viti dhe në vend të tij do të emërohet Kwai Hong Ip.

Dhe për mundësinë e ndikimit në punën e Speciales largimi i tij, ai ka folur ekskluzivisht për gazetën “Bota sot”, derisa ka thënë se ka ndihmuar në sigurimin e burimeve të nevojshme, derisa thotë se e trishton largimi, por që beson në kolegët e tij dhe punën e tyre.

“Siç e tregova në deklaratën time të enjten javën që shkoi, mua më trishton largimi im nga kolegët të cilët admiroj dhe respektoj pa mbaruar atë që e nisëm së bashku. Megjithatë, kam shumë bindje, besim dhe mirëbesim në ata kolegë, dhe unë e di që për shkak të tyre puna e Zyrës së Prokurorit të Specializuar nuk do të ligështohet. Detyra ime si Prokurori i Specializuar ka qenë t’i caktoj politikat, ta drejtoj punën dhe të sigurojë që ata që bëjnë punën kanë burimet dhe mbështetjen që u duhen që ta kryejnë punën. Unë kam ndihmuar në rekrutimin e një stafi të jashtëzakonshëm, unë kam ndihmuar në sigurimin e burimeve të nevojshme të veprojnë në mënyrë efikase, dhe kam punuar që të marr dhe ta mbaj përkrahjen e duhur nga bashkësia ndërkombëtare që ta mbartin punën më tej”, thuhet në përgjigjen e Schwendiman.

Më tej, ai thotë se largimi i tij nuk do të ndikojë në punën e Zyrës së Prokurorit të Specializuar dhe kushdo që vjen pas tij, do të punojë drejt dhe mirë e shpejt sa është e mundshme.

“Zyra e Prokurorit të Specializuar është në një rrugë të qëndrueshme dhe vazhdimësia sigurohet nga figura e Zëvendësit tim, Kwai Hong Ip. Ai po e merr detyrën e Prokurorit të Specializuar të Përkohshëm, siç ai bëri aq mirë me Task Forcën Hetimore Speciale pas largimit të Clint Williamson-it. Vendosmëria e atyre që po punojnë në Zyrën e Prokurorit të Specializuar nuk do të ndikohet nga largimi im, dhe kushdo qoftë që vjen pas meje do të jetë po aq e zotuar në kryerjen e punës drejt dhe mirë dhe aq shpejtë sa është e mundshme”, përfundon përgjigja e Prokurorit të Specializuar David Schwendiman, për gazetën “Bota sot”.

E për këtë edhe kryetarja e Gjykatës Speciale Ekaterina Trendafilova ka thënë se Specialja do të vazhdojë punën pa ndërprerje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test