Ministri i jashtëm serb Ivica Daçiq, në vargun e deklaratave të tij kundër Kosovës, ka thënë se nëse do të bisedohej pa mentor në Bruksel mes Kosovës dhe Serbisë, Prishtina do të pranonte marrëveshjen e ndarjes së Kosovës.
“Nëse do të bisedonim hapur për ndarjen e Kosovës pa mentorë, Prishtina do t’i tejkalonte të gjitha interesat e veta dhe do ta pranonte këtë marrëveshje”, ka thënë Daçiq ditë më parë për mediat serbe.
Por Qeveria e Kosovës, nuk ka ndonjë qëndrim në lidhje me këtë deklaratë. I kontaktuar nga gazeta “Bota sot”, përfaqësuesi i Qeverisë së Kosovës për dialogun me Serbinë Avni Arifi, ka thënë se duhet të pyetet Daçiqi se çka mendon ai për ndonjë ministri të Kosovës.
“Nuk jam analist i zyrtarëve të Beogradit. Thirre Daçiqin e pyete se çka mendon ai për deklaratën e ndonjë ministri të Kosovës”, është shprehur Arifi.