Profesori i së drejtës evropiane, Avni Mazrreku thotë se dita e 9 majit nuk përkon me kalendarin e festave në Kosovë.
“Unë mendoj që realizimi i 9 majit si një ditë pushimi për të gjitha institucionet publike dhe private nuk përkon me festat zyrtare në Kosovë, dhe nuk është praktike e shteteve anëtare në Bashkimin Evropian”, thotë Mazrreku për “Bota sot”.
Sipas Mazrekut, integrimi në BE varet nga përmbushja e kritereve të Brukselit, e jo duke bërë festa të tilla.
“Arritja e intensitetit të Kosovës drejt Bashkimit Evropian nuk varet nga realizimi dhe intensiteti i punës që e kërkon procesi i anëtarësimit në BE”.
Ndryshe, 9 Maji shënon përvjetorin e deklaratës historike të Schumanit.
Në një fjalim në Paris, në vitin 1950, ministri i Jashtëm i Francës, Robert Schuman, shpalosi idenë për një formë të re të bashkëpunimit politik në Evropë.
