Në seancën e ardhshme të 17 majit pritet të themelohet komisioni parlamentar për hetimin e dëbimit të gjashtë qytetarëve turq nga ana e Policisë së Kosovës, AKI-së dhe shërbimit sekret turk.
Kjo pasi që kështu kanë vendosur anëtarët e Kryesisë së Kuvendit të Kosovës, në mbledhjen e së hënës.
Por, njohësi i çështjeve juridike, Blerim Burjani thotë se Kosovës i nevojiten komisione të tilla për hetim të privatizimit, kapjes së drejtësisë, korrupsionit, etj.
“Pra, duhet të ketë komision hetimor për privatizim, kapje të drejtësisë, shpenzime të buxhetit të shtetit për vitet e kaluara”, thotë Burjani për “Bota sot”.
Ai shtoi se duhet të hetohet edhe korrupsioni që sipas tij, janë përfshirë shumë njerëz të politikës.