Gjuha e Veselit në shumë raste është ofenduese dhe degraduese sidomos në aspektin gjinor, thotë për “Bota sot” deputetja e LDK-së, Valentina Bunjaku. Ajo thekson se pa marr parasysh çfarë subjekti politik iu takon, fyerjet e tilla janë te dënueshme.
“Gjuha e Veselit në shumë raste është ofenduese dhe degraduese sidomos në aspektin gjinor. Në vend që si kryetar kuvendi të jetë shembull i mirë, ai është i kundërt. Pa marr parasysh çfarë subjekti politik, fyerjet e tilla janë te dënueshme”-tha Bunjaku.
Ajo shton tutje se edhe Xhavit Haliti po përdor të njejtën gjuhë, e sipas saj, kjo duket ashtu siç i kanë punët PDK-ja në Qeveri e Kuvend. Bunjaku mban shpresa se qytetarët e vendit.
“Edhe Haliti tash përdor të njëjtën gjuhë dhe si duket ashtu siç i kanë punët në qeveri e kuvend, PDK ashtu i kanë sjelljet dhe sharjet, d.m.th. degraduese, jo vetëm ndaj deputeteve por reflektim edhe ndaj qytetarëve. Shpresoj t’i dënojnë qytetarët sepse vetëm dënimi i tyre ka peshë në këtë rast”- tha Bunjaku-Rexhepi për “Bota sot”.