Deputeti i Lidhjes Demokratike të Kosovës, Ramiz Kelemndi, në një prononcim për “Bota sot”, ka komentuar vendimin e fundit të qeverisë Haradinaj, për ndarjen e 300 mijë eurove ndaj veteranëve në mënyrë që këta të fundit të shkojnë në pushime në bregdetin e Shqipërisë.
Kelmendi ka thënë se buxheti nuk duhet të keqpërdoret për interesa elektorale.
Deputeti i LDK-së gjithashtu ka shtuar se më mirë do të ishte sikur ato 300 mijë euro të investohen në grante dhe të shkonin në krijimin e vendeve të lira të punës, e jo në dërgimin e tyre në pushime, pasi që ata edhe ashtu shkojnë çdo javë në pushime.
“Do të kishte qenë një akti patriotik nëse do të kishim qenë Amerike. Kjo nuk është e drejtë e duhur për arsye se veteranët janë të shëndoshë kanë kryer një mision por janë të shëndoshë, një akt i tillë ndoshta do të duhet të ju jepej invalidëve por jo veteranëve për arsye se janë të shëndoshë. Kjo është shumë e dëmshme politikisht dhe nga aspekti ekonomik por edhe për buxheti. Buxheti nuk duhet të keqpërdoret për interesa elektorale” ka thënë Kelmendi
Tutje, Kelmendi ka shtuar se pjesa me e madhe e veteranëve bëjnë jetë të mirë dhe kanë komdoitet të lëvizin në Shqipëri.
“Ne nuk kemi prodhimtari, ne kemi 70 për qind të qytetarëve i kemi me ndihma social, vetëm 30 të qytetarëve kemi që krijojnë, është ngarkese për ekonomin. Më mirë me i investu 300 mije euro për grante për prodhimtari e vende të lira pune e me u liru për pagesa ndaj veteranëve e jo me i dergu në pushime, rekreacion të cilët shkojnë edhe ashtu për çdo javë në pushime.Ne e dimë që pjesa dërmuese e tyre 70 deri ne 80 % kanë të hyra tjera qe krijojnë komoditet të lëvizjes në Shqipëri ose kudo tjetër që mendojnë të shkojnë” ka përfunduar deputeti i LDK-së, Ramiz Kelmendi”, ka thënë Kelmendi.