Analisti politik, Faton Mehmeti, ka thënë për “Bota sot” se kjo Qeveri është krijuar për interesa të ngushta të individëve të caktuar brenda partive të koalicionit.
“Edhe pa i prezantuar Albini Kurti 15 arsyet për dhënien e dorëheqjes, kjo qeveri nuk është dashur fare të krijohet. Megjithëse u krijuar për interesa të ngushta të individëve të caktuar brenda partive të koalicionit, për asnjë ditë të vetme nuk arriti t`u shërbej interesave të qytetareve të vendit”, thotë ai.
Për me tepër, ai ka shtuar se Kosova po shkon çdo ditë e më keq me këtë qeveri, dhe për këtë opozita duhet të ndërmarr veprime konkrete për rrëzimin e saj.
“Veprimet e saja konkrete opozita duhet t'i bëj në koordinimi me njëra tjetrën, do binte që të ishte zëri i saj me i fuqishëm karshi kësaj bande që ka kapur shtetin. Çdo ditë e më tepër kemi degradim të vendit, shpresat e qytetareve po veniten që rrugën e kurbetit e shohin shpresën e tyre të vetme. Kosova po shkon çdo ditë e më keq me këtë qeveri, që ka një milion arsyeje për ta rrëzuar”, ka deklaruar Krasniqi për “Bota sot”.
Gjithashtu, ai ka theksuar se rrëzimi i Qeverisë behët përmes protestave paqësore të qytetarëve jo nga tryezat politike.
“Qeveria nuk rrezohet nëpër tryeza, këta nuk janë njerëz të tryezave e bisedimeve. Kjo qeveri rrëzohet me protesta masive paqësore, bllokim të kuvendit nga opozita e cila e bashkuar mund të rrëzoj këtë qeveri, dhe si e tillë edhe të marr pushtetin. Fati i vendit është në opozitë, e cila nëse dëshiron dhe vepron e bashkuar brenda 1 jave e rrëzon këtë qeveri, ndryshe me deklarata kjo qeveri nuk bie. Çdo ditë e qëndrimit të saj në pushtet, kjo qeveri e fundos edhe më tepër Kosovën”, ka përfunduar Krasniqi për “Bota sot”.