Tryezat politike të partive për të arritur konsensus për çështje të caktuara po vazhdojnë. Javën që lamë pas u mbajt tryeza e thirrur nga Lëvizja Vetëvendosje, e cila si temë të tryezës kishte caktimin e datës së zgjedhjeve, por që një gjë e tillë nuk ndodhi, derisa partitë nuk u pajtuan për zgjedhje dhe thanë që këtë e cakton Kuvendi dhe jo tryezat.
E duket se tryeza e radhës do të organizohet nga Partia Socialdemokrate.
Zëdhënësi i kësaj partie, Shkodran Hoti, në një bisedë për gazetën “Bota sot”, ka thënë se gjatë këtyre ditëve do të mbahet mbledhje e partisë dhe do të vendoset për ditën, që besohet të jetë javën e ardhshme.
“Mbahet mbledhja e partisë dhe aty vendoset. Kjo javë thuajse përfundoi dhe nuk ka kur të mbahet, kështu që gjatë këtyre ditëve mbahet mbledhja ku vendoset në lidhje me çështjen e tryezës, ndoshta për javën që vjen”, ka thënë Shkodran Hoti.
