Deklarata për luftë në Kosovë ka pasur nga serbët, të cilët kanë nxitur reagime të shumta.
E për një deklaratë të tillë, njohësi i çështjeve politike, Rexhep Shahu, në një prononcim për gazetën “Bota sot”, ka thënë se Kosova nuk kërcënohet nga askush, përveç se nga injoranca e pangopësia e zyrtarëve të saj, që pushtetin e shohin si biznes.
Ai po ashtu ka shtuar se thirrjet për luftë janë shaka, pasi thotë se Serbia në atë rast do të përballej me Amerikën dhe jo Kosovën e Shqipërinë.
“Ndërsa sa i përket luftës aktualisht mes Kosovës dhe Serbisë, kjo është shakaja më e bukur pasi sot në rast lufte, Serbia nuk përballet të luftojë me Kosovën as me Shqipërinë që nuk e ka ndërmend një gjë të tillë kurrë, por përballja do të ishte me Amerikën, pavarësisht se e thotë apo jo ambasadori amerikan. Kosovën nuk e kërcënon askush e asgjë veç injoranca e pangopësia e zyrtarëve të saj që e shohin pushtetin si biznes shumë fitimprurëse”, ka përfunduar Rexhep Shahu për gazetën “Bota sot”.