Gjykata Speciale edhe pas dy vite të miratimit të saj edhe me tej nuk ka filluar me aktakuzat e para.
Vera e këtij viti ishte paralajmëruar si koha më e nxehtë për të akuzuarit e mundshëm të Gjykatës Speciale.
Por, nga Zyra e Prokurorit Special nuk japin asnjë detaj rreth ngritjes së aktakuzave të mundshme.
Chris Bennett nga Zyra e Prokurorit Specialist, i ka thënë gazetës “Bota sot”, se kjo zyre nuk nxjerr të dhëna konkrete mbi statusin e hetimeve dhe mbi provat e mbledhura gjatë hetimeve.
Sipas Bennett, kjo është në përputhje me praktikat e ngulitura për hetime dhe ndjekje penale.
“Për mbrojtjen e integritetit të hetimeve, e fshehtësisë së dëshmive të dëshmitarëve si dhe të mbledhjes aktuale të provave, Zyra e Prokurorit të Specializuar nuk nxjerr të dhëna konkrete mbi statusin e hetimeve, mbi provat e mbledhura gjatë hetimeve dhe kohën e ngritjes së akuzave të mundshme. Kjo është në përputhje me praktikat e ngulitura për hetime dhe ndjekje penale”, ka thënë Bennett për gazetën “Bota sot”.