Pjesë të raporteve të zëvendësministrave të qeverisë Haradinaj u bënë lajm gjithandej në opinionin publik.
Kjo ngase në raportimet e më shumë se 70 zv ministrave, kishte shumë gabime, si drejtshkrimore ashtu edhe të çuditshme.
Deputeti i Lidhjes Demokratikë të Kosovës, Naser Rugova, në një prononcim për gazetën “Bota sot”, ka thënë se grumbullimi i qindra zv.ministrave është vazhdimit i logjikës zhvatëse të buxhetit të shtetit.
“Një numër i tillë i zv ministrave nuk është parë në asnjë qeveri, ky është numër për libër ginisi, arsyeja e vetme e emërimit të tyre është kënaqja e apetiteve të partnerëve të koalicionit të cilët kanë vazhduar logjiken provinciale klanore dhe nepotiste të këtij koalicioni qeverisës. Grumbullimi i qindra zv ministrave, këshilltarëve dhe stafit tjetër në qeveri është keqpërdorim flagrant i parasë publike dhe vazhdim i logjikes zhvatëse të buxhetit të shtetit”, ka përfunduar deputeti i LDK-së, Naser Rugova.