Merr fund aventura e Haradinajt si kryeministër, Vetëvendosja do të reagojë në këtë mënyrë pas ofendimeve ndaj Kurtit - Bota Sot
Merr fund aventura e Haradinajt si kryeministër, Vetëvendosja do të reagojë në këtë mënyrë pas ofendimeve ndaj Kurtit

Politika

Merr fund aventura e Haradinajt si kryeministër, Vetëvendosja do të reagojë në këtë mënyrë pas ofendimeve ndaj Kurtit

Drilon Rrahmani Nga Drilon Rrahmani Më 24 gusht 2018 Në ora: 17:33
Albin Kurti dhe Ramush Haradinaj

Kryeministri i Kosovës Ramush Haradinaj, ka futur edhe Albin Kurtin nën petkun e shfrenimeve ofenduese të tij, duke e quajtur hajn. Më herët, Haradinaj ofendoi në këtë mënyrë prokurorin e dorëhequr nga kërcënimet, Elez Blakajn.

Mirëpo në ofendimet e tij ndaj të parit të Vetëvendosjes, siç duket nuk do të shpëtojë lehtë.

Nga Vetëvendosja për “Bota sot”, ka folur deputetja Drita Millaku, i cila thotë se veprimi i Haradinajn ishte aq i ulët dhe i mjerë, sa e ka deshifruar se ani nuk jeton në realitetin tonë. Ajo shton se dorëheqja e Haradinajt do të ishte nderë për Kosovën.

Image
Drita Millaku

“Kryeministri Haradinaj ia ka huqur si jo pak herë, por sulmi i tij ndaj Albin Kurtit ishte aq i ulët dhe i mjerë, sa e ka deshifruar se ai nuk jeton në realitetin tonë. Ramush Haradinaj është shkëputur prej realitetit prej se është futur në qeveri, por sjelljet e tij kohëve dhe ditëve të fundit japin sinjale se ai nuk po mundet ta menaxhojë situatën e krijuar, prandaj është momenti i duhur që ai të shkoje sepse do t’i bënte nderë dhe shërbim vendit e po ashtu edhe vetvetes. Ramush Haradinaj me këtë sulm që i bëri Albin Kurtit, nuk e merr askush seriozisht. Ta quash Albin Kurtin hajn është budallaki politike. Si duket Ramushi e ka kuptuar se i ka ditët e numëruara, andaj edhe veprimet e tij janë adoleshente”, thotë Millaku.

Ajo thekson se në shtator do të ketë një kundërshtim të madh nga ana e Vetëvendosjes kundër Haradinajt, e tregon se mënyrat e rrëzimit të tij do të jenë përmes mocionit ose protestave.

“Ramushit i ka humb rruga në oborr. Një fjalë popullore thotë "me kënd të rrish ashtu bëhesh", dhe po shkon i sigurt hapave të Thaçit dhe Veselit. Që nga shtatori gjërat do të ndryshojnë dhe Ramushi e dinë këtë shume mirë, jemi në diskutime dhe përgatitje për një kundërshtim të fort të kësaj nomenklature mafioze. Unë personalisht jam idhtare e protestave megjithatë do te shihet shumë shpejt mënyra e kundërshtimit se a do të jetë me mocion apo protesta. Kjo është definitive”, ka treguar Millaku për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...